Сугарески и Бектеши на увид во изградбата на гасоводот Скопје-Тетово-Гостивар
Министрите за транспорт и врски и за економија Горан Сугарески и Крешник Бектеши и директорот на Национални енергетски ресурси Бајрам Реџепи денеска ќе извршат увид во изградбата на магистралниот гасовод Скопје – Тетово – Гостивар.
Тие ќе ја посетат трасата на гасоводот во Тетово, во близина на село Фалише.
Гасоводот е проектиран со должина од 86 километри, како трет дел од Проектот за изградба на националниот гасоводен систем. Проектот е проценет на околу 30 милиони евра, а финансиските средства се обезбедени преку кредит од германската Дојче банк и Ерсте група.
Со буџетот на Министерството за економија за 2020 година за гасификација се предвидени 120 милиони денари. Под надлежност на овој ресор со измените на Законот за енергетика од следната година преоѓа АД Национални енергетски ресурси, коешто е надлежно за изградба на гасоводниот систем.
Ново на Сител
-
Уапсен врховниот судија Наке Георгиев фатен на дело со 10,000 евра мито
-
Приведен судија од Врховен суд за примање поткуп
-
Тема на денот со Срѓан Керим
-
Преговорите за Влада во напредна фаза, ВМРО-ДПМНЕ инсистира на квалитетни кадри од албанскиот партнер
-
Во среда прегласување на седум избирачки места, од полноќ изборен молк
-
Предупредувања од Европската Комисија за Преспанскиот договор
-
Владата не дава 100 евра по жител, пораките се лажни!
-
Смртни закани и за градоначалникот на Кавадарци