Судир помеѓу „голф“ и „ауди“ во Кавадарци - тројца повредени

На 08.04.2023 околу 20.00 часот во Полициската станица Кавадарци било пријавено дека на локалниот пат Кавадарци-Ресава, на место викано „Криви Дол“ кај Тиквешко Езеро, се случила сообраќајна несреќа помеѓу патничко возило „фолксваген голф“ со кавадаречки регистарски ознаки, управувано од П.А.(42) од Кавадарци и патничко возило „ауди“ со кавадаречки регистарски ознаки, управувано од Ј.Т.(43) од с.Бегниште, кавадаречко.

Во несреќата возачот Ј.Т. се здобил со тешки телесни повреди, додека возачот П.А., сопатничката В.А.(35) и малолетна сопатничка во возилото „голф“ се здобиле со телесни повреди, констатирани во Јавната здравствена установа Кавадарци. Увид извршила екипа од ОВР Кавадарци.