Судар на воз и автобус кај Ниш - петмина загинати и 30 повредени
Пет лица загинаа, а 30 се повредени во судар на воз и автобус на пружниот премин во Долно Меѓурово кај Ниш. Автобусот превезувал деца во средното училиште. Од силината на ударот автобусот се преполовил. Повредените се згрижени во Клиничкиот центар во Ниш, каде лекарите се борат за животот на повеќе од 10 лица со многу тешки повреди. Директорот на полицијата Владимир Ребиќ пристигна во Ниш, а се очекува и доаѓање на министерот за здравство Златибор Лончар.
Несреќата се случи околу 7.30 часот кога патничкиот воз кој во 7.14 тргнал од железничката станица Ниш за Прокупље при излезот од железничката станица Меѓурово удрил во патнички автобус.
Четири повредени деца се згрижени на Детската клиника, а нивната состојба засега е непозната.
Од нишкиот клинички велат дека две лица се во многу тешка состојба и за нив прогнозите се лоши.
Утрово таму во рок од 15 минути се згрижени 30 повредени лица.
Родителите и роднините на децата од автобусот се собраа во Клиничкиот центар.
Сите повредени биле во автобусот, а никој од 10-те патници од возот не е повреден.
16-годишниот Димитрије Јовановиќ кој има полесни повреди раскажа за РТС дека несреќата била страотна и дека во автобусот имало многу негови другари.
„Излегов надвор, тие плачеа. Само слушнав кога се преполови автобусот“, раскажа Димитрије.
Инаку на пругата нема браници, но постојат знаци на вертикална друмска сигнализација.
Мештаните велат дека ова не е првпат да се случи несреќа, и веќе со години наназад бараат преминот преку пругата да се направи како што треба. Тука кај ова село, на три километри од градот нема рампа.
Причината за оваа железничка несреќа засега не е позната.
Ново на Сител
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество