Студенстки штафетен маратон на студенти до Брисел со цел да го привлечат вниманието на европските институции кон ситуацијата во државата
Група студенти стартуваа денеска маратон со трчање до Брисел, со цел да го привлечат вниманието на европските институции кон ситуацијата во Србија јави дописникот на МИА од Белград.
Со извици „пумпај“ собрани пред блокираната зграда на Радио-телевизија на Србија, голем број луѓе ја испратија групата студенти од Белград кои заминаа кон Нови Сад, па потоа кон Брисел.
Тие ќе трчаат низ земји на Европската унија под слоганот „Од моето село до Брисел“.
До Брисел ќе трчаат 21 студент студент иако првично беше закажано да трчаат 16 од нив, со цел симболично да им оддадат почит на 16-те кои загинаа при падот на настрешницата на железничката станица во Нови Сад на 1 ноември лани.
Планирано е тие да бидат во Брисел на 12 мај, каде што ќе достават писма за ситуацијата во Србија до Европскиот парламент.
Ќе истрчаат штафетно речиси 2000 километри.Штафетно означува дека нема сите студенти да трчаат цело време, туку една група ќе трча, додека другата ќе се одмора во комбе што ќе ги следи.
Нивната рута е малку поинаква од рутата што ја поминаа велосипедистите пред нив.
Планирано е тие да пристигнат во Нови Сад утрово после 8 часот, каде што ќе продолжат по кратка пауза. Нивната прва станица ќе биде Осиек, каде што треба да пристигнат вечерва околу 19 часот.
Планирано е маратонците да трчаат повеќе од 100 километри секој ден низ шест земји – Хрватска, Австрија, Германија, Франција, Луксембург до Белгија.
Првата голема пауза ќе им биде во Стразбур, на 13-от ден од трката, кога нема да се трча, туку ќе ги посетат европските институции.
Ново на Сител
-
Претрес во дом на лице кое нападнало полицајци, пронајдена бела прашкаста материја
-
19-годишник од Кавадарци и ја украл ташната на постара жена, при што ја турнал и ја повредил
-
Таравари го разреши Арбен Фетаи од партиската функција
-
Украина со апел до меѓународната заедница: Запрете ја Русија
-
Пад на вредноста на доларот поради намалување на кредитниот рејтинг на САД
-
Алкалоид го пречекува АЕК во реваншот од финалето на ЕХФ Европскиот куп
-
Најмногу дожд во Крива Паланка, Виница и Струмица
-
Приведен возач во Штип, возел со 2,10 промили алкохол во крвта