Студенска трибина „Трговија со луѓе -Ропство во 21-ви век“
Во организација на Проектот за развој на полицијата, финансиран од ЕУ, денеска ќе се одржи студентска трибина на темата „Трговија со луѓе – Ропство во 21-ви век“.
Студентската трибина ќе ги обедини студентите од Правниот факултет при Универзитетот „Св. Кирил и Методиј“ – Скопје и од Факултетот за безбедност при Универзитетот „Климент Охридски“ – Битола, а со цел да ги отвори темите поврзани со причините кои доведуваат до појавата на овие криминални активности, последиците и најчестите облици на експлоатација на жртвите на трговија со луѓе.
Посебен акцент ќе биде ставен и на перспективата на сериозно кршење на човековите права, како и правните и институционалните механизми за справување со овој феномен.
Трибината се организира во соработка со Правниот факултет „Јустинијан Први“, Меѓународната организација за миграции (ИОМ) и Одделот за гранични работи и миграции при Бирото за јавна безбедност.
Проектот финансиран од ЕУ „Понатамошна институционална надградба и градење на капацитетите на полицијата во областа на граничното управување, работата на полицијата со заедницата и борбата против организираниот криминал“ обезбедува стратешка поддршка на Министерството за внатрешни работи и Бирото за јавна безбедност со цел зголемување на оперативната ефикасност на Граничната полиција, зајакнување на капацитетите на Одделот за сузбивање на организиран и сериозен криминал за безбедно и ефикасно управување со класифицирани информации и борба против организираниот криминал, вклучувајќи го и финансискиот и комјутерскиот криминал, развивање на вештините на униформираните полицајци за ефикасно и ефективно работење, како и развој на анти-коруптивни.
Ново на Сител
-
Двојно убиство во Кратово: Жена ги избодела сопругот и свекорот
-
Лога: Уште сум против работата на Судски, ама разрешување не е решение
-
“Спорните” договорци на Токсикологија незаконски добиле плата само со потписот на Бесија Иљази
-
Кога Клинички ќе добие нова компресорска станица?
-
Поскапува струјата?
-
Преглед на вестите од светот
-
Комисијата ги предложи Милошоски, Митрески и Бендевска да бидат нови потпретседатели на Собранието
-
УГД-Штип дел од Европската универзитетска алијанса