Студено утро, најниска температура измерена во Берово

Утрово најниска температура од -4 степени Целзиусови е измерена во Берово, а највисока 2 степена во Виница, Охрид и Претор, соопшти Управата за хидрометеоролошки работи.

Во Тетово, Струмица, Скопје-Петровец и Лазарополе измерени се -2 степена, -1 во Демир Капија, Куманово, Mаврови Анови, Битола, Крива Паланка и Велес, 0 во Штип, Кавадарци и Гевгелија, 1 во Прилеп, Скопје-Зајчев Рид и Kрушево.

Според прогнозата на УХМР, времето денеска ќе биде променливо облачно, претпладне по котлините ќе има појава на магла. Кон крајот на денот и во текот на ноќта ќе има повремени локални врнежи од дожд. Ќе дува слаб до умерен ветер од југоисточен правец. Максималната температура ќе биде во интервал од 8 до 13 степени.

Во Скопје, претежно облачно со слаб јужен ветер. Претпладне во делови од котлината ќе има слаба магла. Максималната температура ќе достигне до 8 степени.

МИА