Студено со силен ветар до 100 км на час

Времето до крајот на денов ќе биде студено и со силен северен ветар, кој повремено ќе биде и со брзина од 100 километри на час. Локално ќе провејува слаб снег, соопшти Управата за хидрометеоролошки работи.

Студено и ветровито време со слаб снег ќе биде и во текот на утрешниот ден.

Од петок следува постепено развредрување и значително спуштање на утринските температури и до -14 степени Целзиусови.

За новогодишната ноќ ќе биде ведро и студено со температури до -10 степени.