Стружани елиминирани од квалификациите за ЛШ

Вилнус „Жалгирис“ ќе ги продолжи борбите во изборот на УЕФА Лигата на шампионите - во вториот меч од првото коло, тимот од Вилнус го совлада тимот на „Струга“. 

 

„Жалгирис“ победи на гости со резултат 2:1. Потсетуваме дека првиот натпревар во Вилнус заврши со резултат 0:0.

 

Жалгирис се пласираше во второто квалификациско коло од Лигата на шампионите каде за противник ќе ги има фудбалерите на Истанбул Галатасарај.

 

Натпреварот започна фуриозно и двете екипи имаа свои прилики да го отворат резултатот но без успех па на пауза се замина со мирни мрежи. 

Во вториот дел Струга имаше неколку обиди преку Ибраими и упорноста на домашните им се исплатеше кога беше досуден пенал во 73. минута кој Ибраими го реализира. И наместо да ја стабилизира одбраната нашиот првак дозволи гостите со серија кратки додавања набрзина да дојдат до шанса и да израмнат со голот на Кендиш. 

Само неколку минути подоцна целосен пресврт кога гостите изведоа слична акција а играчот на Струга Радиќ си постигна автогол. 

Штета што Струга испушти убава можност да ги одмери силите со турскиот гигант Галатасарај и наместо тоа ќе продолжи во конференциската лига каде следи двомеч со Будуќност Подгорица.