Страшна несреќа во Македонија, дете падна од далековод - го нашле неподвижно во трева

Десет годишно дете од Прилеп вчера е пренесено во Ургентниот центар со тешки повреди по пад од далековод под висок напон.

Од полицијата денеска информираат дека 30-годишниот И.И. од крушевското село Алданци пријавил дека на влез од селото забележал повредено дете во свесна состојба како лежи на тревата. Полициски екипи излегле на местото, по што е утврдено дека се работи за 10 годишно дете од Прилеп.

Според кажувањата на мајката, детето паднало од метален столб, од далековод под висок напон, по што таа го однела до блиската река и го измачкала со кал мислејќи дека има струен удар.

По укажаната лекарска помош во прилепската болница поради сериозноста, детето во свесна состојба, но со крварење во мозокот е пренесено во Ургентниот центар во Скопје.