Страотна несреќа: Се преврте автобус со странски туристи, 12 загинаа на место

Автобус со странски туристи се преврте денеска на автопатот кој води кон остатоците од градба на Маите во источниот дел од Мексико, при што загинаа најмалку 12 лица, соопштија мексиканските власти.

Меѓу повредените има најмалку седум државјани на САД и два од Шведска, соопштија властите од мексиканската сојузна држава Кинтана Ро.

Мексиканските власти се уште не ја утврдија потеклото на лицата кои загинаа во несреќата.

Сообраќајната несреќа се случила кога автобусот бил на пат кон локалитетот Чакчобен, околу 175 км. јужно од градот Тулум, соопштија официјалните лица.

Во тек е истрага за причината за несреќата.