Стотици мигранти собрани пред Евротунелот бараат влез во Британија

Стотици мигранти кои сакаат да влезат во Велика Британија веќе трет ден по ред се собираат во францускиот град Кале пред оградата на товарниот терминал од Евротунелот, кој ги поврзува Франција и Англија.

На терминалот синоќа биле испратени уште 120 француски полицајци, додека истовремено британски пратеници бараат од Владата во Лондон да преземе мерки за ублажување на мигрантската криза.

Компанијата „Евротунел“, која управува со сообраќајот во истоимениот тунел под Ламанш, соопшти дека во понеделникот на товарниот терминал од тунелот на сила се обиделе да влезат 2.000 мигранти, а во вторникот уште 1.500.