Столтенберг повика на воздржаност и намалени тензии по убиството на Сулејмани

Генералниот секретар на НАТО Јенс Столтенберг денеска повика на воздржаност и намалување на растечките тензии меѓу САД и Иран по убиството на ирачкиот генерал Касим Сулејмани.

Столтенберг, кој претседаваше вчера со вонредна средба на амбасадорите на НАТО во Брисел, рече дека 29-те сојузници „повикале на воздржаност и деескалација“ и додаде дека „новиот конфликт нема да биде во интерес на никого“.

Тој додаде дека членовите на алијансата истакнале „загриженост поради дестабилизирачките активности на Иран во поширокиот регион на Блискиот исток“.

Запрашан за загриженоста во рамките на НАТО во врска со тој едностран потег на Вашингтон, Столтенберг рече само дека воздушниот напад е „одлука на САД“.