Стојаноска: Мнозинството да размисли за поддршка на амандманот за викенди без ДДВ
Продложува расправата по амандманите на Комисијата за финансирање и буџет, а СДСМ и понатаму ги одбива предлозите на ВМРО – ДПМНЕ и коалицијата кои се на барање на граѓаните.
Во текот на изминатите денови се закануваат дека ќе го поништат изгласаниот амандман со кој на вработените во јавната администрација е предвидено да им се зголемат платите за 15 проценти. Амандманот поднесен на барање на Сојузот на синдикатите на Македонија треба да се потврди и од Законодавно правната комисија. Се надеваме дека ќе преовлада разумот кај колегите и ќе сфатат дека покачувањето на плата во услови кога инфлацијата кај храната е 30 проценти е неопходност, а не расипништво.
Денес пратениците ќе го разгледуваат амандманот кој се однесува на Викенди без ДДВ. Ова е еден од 10-те предлози кои ги усвои Централниот комитет на ВМРО – ДПМНЕ и кои е неопходно да бидат вклучени во Буџетот за 2023-та година. Со предлогот на ВМРО – ДПМНЕ и коалицијата се предвидува секој викенд додека во Македонија има прогласено кризна состојба во енергетскиот сектор, а тоа е до 30-ти април 2023-та година, да има викенд без ДДВ за прехранбени производи. На овој начин граѓаните ќе можат да купуваат основни прехранбени производи, а потоа парите за платениот ДДВ да ги добијат назад на своите трансакциски сметки. Огромни се даночните приходи на државата поради инфлацијата, храната е во просек поскапена за 30%, а кај некои производи поскапувањето надминува дури и 100%. Како пратеници најмалку што можеме да сториме е да ја воведеме оваа времена мерка додека не се нормализираат цените на прехранбените производи. Граѓаните најчесто купуваат леб, зејтин, шеќер, сувомеснати и млечни производи, а не китови, ајкули и делфини како што мислат во Влада.
За крај, апелираме колегите од мнозинството сериозно да размислат за предложениот амандман за којшто ќе расправаме денес. За државниот буџет овие средства се незначителни, а за граѓаните и тоа како битни. Нека намалат владините функционери со испумпување на државните пари кон свои трансакциски сметки и ќе има пари за граѓаните.
Дафина Стојаноска, пратеничка на пратеничката група на ВМРО-ДПМНЕ
Ново на Сител
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице
-
Инцидент на Скопскиот аеродром: Србин скршил стакло на заштитна врата, полицијата го уапсила
-
Советот за безбедност на ОН денеска ќе расправа за Босна и Херцеговина
-
Вработените во ФЗОM на предупредувачки протест