Стоедногодишен Англичанец осуден за сексуално насилство врз малолетници

Судот во Бирмингем го осуди денеска 101-годишниот Ралф Кларк за сексуално заведување и насилство врз малолетници, извршено во текот на седумдсетите и осумдесетите години на 20 век.

Судската порота го прогласи Кларк виновен за дури 21 случаи на заведување и насилство врз две девојчиња. Тој самиот призна и девет обвинувња во врска со едно младо момче.

Кларк е роден 1915 година.Тој е поранешен припадник на британската воена авијација (РАФ) и бил стациониран во единица на Блискиот Исток. Подоцна има работено како камионџија.

Судијата во процесот изјави на крајот од судењето дека Кларк е толку стар што е малку веројатно дека тој ќе се врати во општествената заедница, во која живеел досега еден век, но и дека јавноста би била шокирна доколку тој не добие затворска казна.

Во текот на процесот не изразил никакво каење или сожалување на своите жртви, освен што рекол дека „тоа што се случило, едноставно се случило“.

Осудениот Кларк бил уапсен минатата година, откако две од неговите жртви го пријавиле на полицијата во Бирмингем. Тие го препознале својот силувач на Фејсбук, кога на интернет се појавила неговата слика со која одбележувал сто години од раѓањето.

На судењето, обвинителот побарал остра казна за обвинетиот, инсистирајќи дека неговата возраст не може сега да биде опрадување за сторените кривични дела.