Стејт департмент: Русија ќе биде повикана на одговорност за судбината на Навални
Американскиот Стејт департмент синоќа излезе со соопштение во кое се наведува дека меѓународната заедница ќе ја повика Русија на одговорност за тоа „што се случува“ со рускиот опозициски лидер Алексеј Навални, кој речиси три години е во затвор.
Адвокатите и соборците на Навални се немаат слушнато од него веќе десетина дена.
-Комунициравме со руската Влада дека тие се одговорни за тоа што се случува со Навални и дека ќе бидат повикани на одговорност од меѓународната заедница, соопшти синоќа портпарол на Стејт департментот.
Оттаму укажаат дека „силно го осудуваме континуираното злонамерно таргетирање на Навални, Владимир Кара-Мурза и повеќе од 600 други политички затворници кои Русија неправедно ги држи во затвор.
-Ќе продолжиме внимателно да ги следиме нивните случаи и повикуваме на ослободување на сите кои се неправедно задржани, соопштија од Стејт департментот.
Претходно, и Белата куќа изрази загриженост за исчезнувањето на Навални, кој според неговите соборци не се знае каде е, дали е преместен во друга затворска колонија, додека неговите адвокати во Русија комуниицираат со затворските власти но без успех.
Неговото исчезнување се поклопи со најавата на рускиот претседател Владиир Путин дека се кандидира на следните претседателски избори во Русија. Ден пред тоа Навални од затворт ги повика Русите масовно да не гласаат за Путин и да се запре војната во Украина.
-Тој треба да биде ослободен веднаш. Тој не требаше воопшто да биде ставен во затвор. Работиме со нашата амбасада во Москва да видиме колку може да дознаеме, изјави неделава Џон Кирби, претставник на Белата куќа.
Во 2021 година Навални беше осуден на деветгодишна казна затвор под обвиненија за измама и непочитување на судот. Годинава пак, тој доби плус 19 годишен затвор по тужби за екстремизам.
Ново на Сител
-
Деветмесечно бебе донесено во неконтактибилна состојба, починало во болница во Охрид
-
ДИК ги соопштува освоените мандати за пратеници во новиот парламентарен состав
-
Претрес во Струмица, приведен осомничен дилер
-
Кривична против градоначалник за незаконско располагање со буџетски средства за време на избори
-
Расчистено двојното убиство во Стајковци
-
Напаѓачот на Фицо призна вина
-
Кривична и истрага против вработена во СВР Скопје, посредувала за добивање социјални станови
-
Костадиновска-Стојчевска: Музеите имаат заштитничка улога за нашата историја, култура и идентитет