Стартуваше традиционалната 46 -та по ред Илинденска едриличарска регата во Охрид

Во организација на Едриличарскиот клуб “ Бофор”,Агенцијата за млади и спорт и Едриличарската федрација на Македонија денес на Охридското Езеро стартуваше  традиционалната 46-та по ред илинденска едриличарска регата.

Регатата ќе се вози на потегот Горица 1 – Канео, со старт во 10 часот. Станува збор за државно првенство каде силите ќе си ги одмерат екипите на Охрид, Струга и Скопје. Тие ќе се натпреваруваат во класите оптимист, ласер 4,7 и вин сурф, едрење на даска.

Учесниците на тридневниот,46-ти по ред едрличарски куп,ќе се натпреваруваат во сите предвидени класи за овој спорт а најдобите ќе се закитат со”Златна Маска”.

Илинденската едриличарска регата е една од најмасовните спортски манифестации во Македонија.