Станбена зграда на 27 ката гори во Лондон, внатре има голем број луѓе

Околу 200 пожарникари со 47 возила се борат со огромен пожар во станбена зграда која има 27 катови што се наоѓа во западниот дел од Лондон.

- Во зградата позната како Гренвел тауер во реонот Северен Кансингтон се наоѓаат луѓе и во моментот се спроведува нивна евакуација, соопшти полицијата.

Засега само на две лица им е укажана лекарска помош, а реонот е отцепен од полицијата. Би-Би-Си јави дека на покривот на зградата има голем број луѓе кои таму се блокирани и чекаат помош.