ССК со меморандум до нови позиции на пазарот во Чешка
Зацврстување на деловните релации меѓу Северна Македонија и Република Чешка како и зголемување на трговската размена, предвидува Меморандумот што го потпишаа вчера претседателите на Сојузот на стопански комори на Македонија (ССК) Данела Арсовска и на Конфедерацијата на индустрија на Чешка, Јарослав Ханак.
– Двете држави имаат долга традиција на соработка, а фокусот за интензивирање го гледаат во инфраструктура, автомобилската индустрија, индустрија за управување со отпад и со отпадни води, како и за заштита на животната средина, соопшти ССК.
Меморандумот треба дополнително да ги зацврсти трговските врски меѓу двете држави и да отвори нови можности за соработка на компаниите, преку заеднички вложувања. Силен импулс за натамошно продлабочување на меѓусебните односи, според најавите, треба да биде заедничката мешовита економска комисија која ќе координира конкретни проекти за развој на меѓусебните економски односи.
Трговската размена меѓу двете земји во континуитет е во нагорна линија во последната година со зголемување од 15 проценти, со потенцијал за унапредување на соработката во насока на намалување на разликите во размената.
Ново на Сител
-
Иран ќе гради ѕид на границата со Авганистан
-
Калињак: Словачкиот премиер Фицо е надвор од животна опасност
-
Две лица го загубија животот, а пет се водат за исчезнати во судар на крузер и чамец на Дунав кај Будимпешта
-
Државјанин на Северна Македонија со „богато“ криминално досие во Грција, уапсен за кражба во дом на Пелопонез
-
Пет лица загинаа, а најмалку 15 се ранети во рускиот напад врз областа Харков
-
Судот во Лондон утре ќе одлучува за екстрадицијата на Асанж во Америка
-
Герапетритис: Граѓаните на Северна Македонија не би сакале да се стават во опасност односите со Грција и ЕУ перспективата на земјата
-
Преодно стабилизирање на времето се очекува во петок