Средба Османи – Касулидес во Њујорк

На маргините на Генералното собрание на Обединетите нации во Њујорк, министерот за надворешни работи Бујар Османи оствари средба со шефот на дипломатијата на Република Кипар, Јанис Касулидес, на која разменија мислења за севкупните билатерални односи меѓу двете држави.

-Се разговараше и за начините како да се зајакне соработката, по долги години на многу скромна размена, за што постои подготвеност и јасно изразен интерес. Во однос на евроатлантските интеграции, изразувајќи задоволство од одржувањето на првата Меѓувладина конференција меѓу Северна Македонија и Европската Унија, министерот Касулидес ја реафирмира целосната поддршка на Кипар за политиката на проширувањето на ЕУ со земјите од Западен Балкан, и како силен поддржувач, Кипар ќе продолжи да биде силен промотор во понатамошната интеграција и продолжувањето на формалните пристапни преговори за членство со ЕУ, соопшти Министерството за надворешни работи.

 Двајцата министри разговараа и за енергетските и пошироки економски последици врз европскиот континент, како рефлексија на војната во Украина.