Средба на министерот Шапуриќ со Комората на овластени архитекти и инженери
Министерот без ресор Зоран Шапуриќ оствари средба со претставници на Комората на овластени архитекти и овластени инженери.
Средбата, како што денеска соопштија од Кабинетот на министерот Шапуриќ, е реализирана на покана од претседателот на Комората на овластени архитекти и овластени инженери Миле Димитровски.
На средбата присуствувале околу четириесетина инженери-членови на Комарата, кои го запознале министерот Шапуриќ со проблемите со коишто се соочуваат при извршување на нивната работа и изразиле очекување за понатамошна соработка.
Министерот Шапуриќ истакнал дека членовите на Комората имаат активна улога во процесот на инвестирање во државата преку проектирање, ревизија на проекти и вклучување во сите фази на изведбата и надзорот. Шапуриќ нагласил дека определбата на Владата е да создаде интерактивна комуникација со сите структури на бизнис секторот со цел создавање на бизнис клима која ќе ги изедначи домашните со странските инвеститори. Во оваа насока, посочил министерот Шапуриќ, се планираат реформи во регулативата која се однесува на овие области.
Се планира и поттикнување на изградбата на индустриски објекти од страна на домашните инвеститори коишто ќе создаваат производи наменети за извоз кои ќе бидат супституција на увозот, што пак би довело кон намалување на надворешно-трговскиот дефицит. Развојот на индустријата, како што посочил, ќе се води во насока на решавање на проблемите во животната средина со што покрај економски, ќе се создаваат и еколошки бенефити за земјата и граѓаните.
Во комората членуваат околу 7.500 инженери, од кои 3.500 се лиценцирани.
Ново на Сител
-
Скопје: Жена нападната од нејзиниот сопруг
-
Кривична за директорка на средно училиште во Делчево
-
Меѓунарадните набљудувачи со оценка дека изборите биле организирани ефективно, забелешки за законодавството
-
Владина делегација положи цвеќе на партизанските гробишта во Бутел, во чест на 9 Мај
-
Српските медиуми за изборните резултати и победата на ВМРО-ДПМНЕ и Гордана Сиљановска Давкова
-
Мицкоски: Одржав состанок на кој ги поставивме контурите на рамката врз која ќе го градиме коалицискиот потенцијал со останатите партии
-
Атина очекува да ги чуе позициите на новата Влада во Скопје, а потоа ќе коментира
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот