Србија: Не ја затворивме границата со Македонија

Србија не ја затвори својата граница со Македонија, изјави денеска за Танјуг раководителката на Бирото за соработка со медиумите при српското Министерство за внатрешни работи, Биљана Поповиќ-Ивковиќ. 

Таа во изјавата нагласува дека Србија само почнача да го применува вчерашниот договор на директорите на полициите од земјите од регионот, со кој е предвидено заедничка регистрација на бегалците на грчко-македонската гранциа и организирање на нивен превоз да Австрија.

- Од денеска всушност се врши профилација на мигрантите од страна на сите потписници на споменатиот протокол, што подразбира зајакната контрола на границите со цел да се спречи илегалната имиграција, истакна Поповиќ-Ивиќ.

Таа додаде дека со договорот се предвидува да се врши идентификација на мигрантите и да им се замаат биометриски податоци, со цел да се утврди дали доаѓаат од земји во кои им се загрозени животите, како што се Сирија, Ирак и Авганистан.