Спортинг комплетно го откупи договорот на Стефан Ристовски

 Македонскиот репрезентативец Стефан Ристовски целосно е фудбалер на Спортинг Лисабон. 

 

Португалскиот гигант Спортинг реши целосно да ја исплати клаузулата за комплетирање на трансферот на Ристовски во вредност од 2,25 милиони евра кон неговиот одскорашен клуб хрватска Риека.

 

26-годишниот Ристивски во летниот преоден рок мина од Риека во Спортинг, но како играч на позајмица во времетраење од една година. 

 

Ристовски кој во своето деби за Спортинг против Олимпијакос во Лигата на шампионите одигра само три минут, во вторникот за прв пат беше меѓу стартните единаесетмина, а со својот настап против Маритимо ги воодушеви навивачите, но и стручниот штаб на Спортинг, па раководството на клубот реши комплетно да го откупи договорот на македонскиот репрезентативец. 

 

Покрај 2,5 милиони евра Риека сега може да заработи дополнителни 250 илјади евра врз база на настапите на Ристовски и успесите на Спортинг, како и процент кој португалскиот клуб се согласил да го плати од следниот трансфер на Македонецот.