СПМ реагира на владината промотивна кампања и на нејзиното подредување за партиски потреби
Социјалистичката партија на Македонија реагира на владината промотивна кампања и на нејзиното подредување за партиски потреби со сведување на обична партиска трибина.
Иако и самото издвојување на буџетските средства за оваа цел е крајно проблематично, укажуваме и на грубата злоупотреба на народните пари со кои криминалната власт ја плаќа организацијата на своите партиски собири.
Ова претставува непочитување на законот и изигрување на јавната набавка од страна на Владата, но тоа претставува и ново потценување на македонските граѓани од страна на СДС и ДУИ.
Доколку постои елементарна етичност, совест и одговорност кај Ковачевски и Маричиќ, каква што не постои, тие би требало да ги вратат народните пари кои на нечесен начин безмилосно се трошат, а потоа и да сносат законска одговорност.
Социјалистичката партија на Македонија укажува на вообичаеното работење на криминалната влада на СДС и ДУИ во искористувањето на јавните набавки и злоупотреба на буџетските средства, односно на очигледното крадење на народните пари. Оваа нелегитимна, авторитарна и ненародна влада е потоната во грабежи, а Македонија не заслужува во власта да дивеат криминалци.
Потребни се итни и безусловни избори преку кои со волјата на македонските граѓани ќе биде казнета власта на СДС и ДУИ.
Ново на Сител
-
Германија го олесни влезот на работници од земји вон ЕУ, двојно зголемен бројот од Западен Балкан
-
Горела ниска вегетација кај скопско Ново село
-
114 сообраќајни санкции во Скопје
-
Околу 15 илјади кандидати полагаат мајчин јазик – Првиот испит од државната матура
-
Без струја дел од улицата од Центар
-
Финале на ЛШ: Рекорден триумф на Реал или последен победнички танц на Ројс со Борусија?
-
Хамас соопшти дека го одобрува планот на Бајден за мир во Газа, Израел испрати преговарачи
-
Трамп: Судењето беше многу нефер