СПМ најавува обнова

Социјалистичката партија на Македонија наводната успешна политика и зголемувањето на платите и пензиите од страна на СДС и ДУИ ги оценува како неодмерени изјави и продолжени шарени лаги за нивни предизборни потреби.

Кога споредуваат раст на приходи за изминати две години манипулантите од СДС и ДУИ не ги споредуваат реалните плати и пензии туку само номиналните, без да направат споредба со инфлацијата.

При инфлација од 25% за периодот на споредби факт е дека приходите реално се намалени, куповната моќ реално е опадната, граѓаните се осиромашени и изгубени им се можностите за подобар живот.

СДС и ДУИ упорно ги потценуваат граѓаните кои реално ги согледуваат состојбите и живеат тешко со обезвреднети приходи. Затоа граѓаните се незадоволни и имаат реални барања за повисоки плати и пензии.

СДС и ДУИ се глуви на барањата на граѓаните и продолжуваат да лажат и да крадат со најави за непотреби инфраструктурни и коцкарски проекти.

Социјалистичката партија на Македонија заедно со Коалицијата "Обнова на Македонија" најавува обнова на државата и спас од криминалите на СДС и ДУИ.

Единствено со масовна излезност на претстојните избори и со гласање за национално определените претставници Македонија може да застане на правиот развоен пат.

Социјалистичка партија на Македонија