Спасувачка акција во близина на грчкиот остров Родос, спасени 29 лица
Од рано утрово во тек е спасувачка акција во морскиот дел јужно од грчкиот остров Родос за пронаоѓање на бегалци и мигранти, а веќе се спасени 29 лица од околу 80 кои се пренесувале во чамецот што се нашол во тешка положба, јави дописничката на МИА од Атина.
Од крајбрежната служба на Грција соопштија дека утрово биле информирани дека чамец со странски државјани е во тешка положба, по што веднаш започнала акцијата во која учествуваат два чамци за спасување на крајбрежната служба, еден брод на воената морнарица, три брода што се во близина, како и хеликоптер Супер пума.
Досега, спасени се 29 лица, додека според она што тие го кажале, во чамецот имало околу 80 бегалци и мигранти. Спасувачката акција е на 38 наутички милји јужно од Родос во меѓународните води и во рамките на делот во кој Грција е одговорна за потрага и спасување. Од првиот момент бил информиран министерот за поморство на Грција Јанис Плакиотакис, кој дал наредба веднаш да се мобилизираат сите средства за спасување на лицата.
Ново на Сител
-
Ковачевски: Ќе се утврдуваат причините за смртта на шестгодишното девојче во битолската болница
-
Приведен тетовец кој крадел од паркиран камион
-
Папата Франциск доби признание од Иванов и Школата за млади лидери
-
Ковачевски: Уставните измени нема да се одложат
-
Бизнисот против замрзнување на цените, смета дека државните резерви се подобар механизам
-
До петок стабилно време, за викендот повремен дожд
-
Дојави за бомби на сите факултети во Крагуевац
-
СЗО ги промени препораките за вакцини против Ковид-19