Спасовски: Очекувам да се направат повеќе напори за поефикасно решавање на случаите како „Јавна соба“
Министерот за внатрешни работи Оливер Спасовски на денешната прес-конфернеција посочи дека очекува да се направат повеќе напори за многу поефикасно се решаваат случаите како „Јавна соба“, со цел да се покаже дека има некој кој ги штити граѓаните и нивните права, пред се злоупотребата на личните податоци.
– Ние во делот на „Јавна соба“ имаме приведено четири лица, одземени се телефоните и други електронски уреди кои ќе бидат вештачени, а вештачењето очекуваме да заврши денеска или најдоцна до утре и ќе биде доставено до ЈО и секако дека се идентификуваат и други членови кои биле во оваа група „Јавна соба“, рече Спасовски.
Министерот истакна дека хендикеп за истрага е некомуникацијата со платформата „Телеграф“.
– Хендикеп за истрагата е навистина некомуникацијата на платформата „Телеграм“ и по повикот што го имаше и претседателот на Владата и мојот повик дека ќе преземеме и други конкретни чекори против платформата „Телеграм“’ доколку не реагираат. Се избриша оваа група „Јавна соба“, меѓутоа се уште нема никаква комуникација од страна на „Телеграм“ и тоа претставува дополнителна тешкотија во изведувањето на доказите и за МВР и за ЈО. Секако дека пред една година беа доставени сите барања и анализи коишто беше можно да се достават до ЈО и сега многу ажурно, брзо и ефикасно Министерството ги доставува сите барања и анализи на ЈО, нагласи Спасовски.
Ново на Сител
-
Скопјанец со тешки повреди заврши на КАРИЛ по пад во отворена шахта
-
Сите имаат услови за владина коалиција
-
Ковачевски со критики за ДУИ
-
И ДУИ и Вреди со завршни митинзи во Тетово во понеделник
-
Кампања за парламентарни избори
-
Осигурителните компании не ги поевтинија полисите
-
Штрајк од први јуни ако не им се исполнат барањата: Вработените во ФЗОМ одржаа предупредувачки протест
-
Почна протестот на вработените во ФЗОМ