-->
-->
Советување за кавадаречките пензионери како да се заштитат од кражби
-->
Советување за кавадаречките пензионери како да се заштитат од измами и кражби, организираше денеска полициската станица од општа надлежност од Кавадарци.
- Целта е превентивно да се влијае да се спречат појавите на измама и кражби меѓу припадниците од третата доба кои се мета на измамници и крадци, рече Димитар Каракулев, инспектор за превенција.
Tој меѓу другото им укажа на пензионерите дека никогаш на пазари, панаѓури и такви места каде што има голем проток на граѓани, каде што има гужви и турканици, да не се носат поголеми суми на пари, бидејќи криминалците не седат со скрстени раце.
- Ги следат уште од вадењето на нивните пензии, на пари од банкомати, се движат по нив и во првата згодна прилика кога ќе има такво ненадејно движење, кога вниманието на жртвата ќе биде на една страна, тие го користат тоа и од нивните џебови, јакни, ташни и така натаму ги вадат нивните новчаници, мобилни телефони, на тој начин вршат кражба, појасни инспекторот.
Задоволство од соработката со полицијата изрази и Ристо Анѓушев, претседател на Здружението на пензионери од Кавадарци.
По советувањето, во рамките на меѓусебното дружење, се одржа и спортски натпревар на кој претставници на полицијата и пензионерите си ги одмерија силите во шах, табла, пикадо и домино. Двете страни кажаа дека не е важно кој ќе победи, важно е дружењето.
-->
-->
-->
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите