Сообраќајка во Центар, повреден мотоциклист

Мотоциклист е повреден во сообраќајна несреќа која попладнево се случи на булеварот „11 Октомври“ во Скопје, дознава Прес24.

Од Министерството за внатрешни работи за порталот велат дека според првичните информации, несреќата се случила помеѓу патничко моторно возило „пежо“ и мотоцикл, и двете со скопски регистарски ознаки.

Во моментот се врши увид, а просторот е обезбеден. Откако увидот ќе заврши, МВР ќе даде повеќе детали за несреќата.