Сочувство од Груевски до италијанскиот премиер Ренци за жртвите од земјотресот
Претседателот на ВМРО-ДПМНЕ Никола Груевски упати телеграма со сочувство до италијанскиот премиер Матео Ренци за жртвите од катастрофалниот земјотрес што ја зафати централна Италија.
- Со длабоко жалење ја примив информацијата за големата природна катастрофа во централна Италија која предизвика стотици човечки жртви и непроценлива материјална штета. Би сакал да Ви изразам најдлабоко сочуство Вам, на семејствата на жртвите и на граѓаните на Италија, од мое, но и од името на граѓаните на Република Македонија кои и самите се соочија со големи природни катастрофи со трагичен епилог, вели Груевски во телеграмата.
Во вакви моменти соочени со разорноста на природните катастрофи, додава тој, се потсетуваме на нашата беспомошност пред страшната сила на природата, но и на нескршливоста на човечкиот дух, хуманоста, солидарноста и помагањето.
- Искрено се надевам на скоро нормализирање на состојбата. Република Македонија и македонските граѓани искрено сочувствуваат со сите погодени од големата катастрофа во вашата земја и се подготвени да помогнат на секој начин, се вели во телеграмата од Груевски до италијанскиот премиер Ренци.
Ново на Сител
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден