Собранието ја продолжи 41. седница на чиј дневен ред се интерпелациите на Маричиќ и Николовски
Собранието попладнево најпрво ја продолжи 39. седница на која едногласно ги донесе законите за изменување на Законот за енергетска ефикасност и за дополнување на Законот за земјоделство и рурален развој. Потоа, спикерот Талат Џафери ја прекина седницата и информира дека Собранието продолжува со работа по 41. седница.
За продолжението на 39. седница, рече Џафери, пратениците ќе бидат дополнително информирани.
Во салата се присутни повеќе од 61 пратеник. На дневен ред се околу 60 точки меѓу кои и две интерпелации, на министерот за правда Бојан Маричиќ и на вицепремиерот за борба против корупцијата Љупчо Николовски.
Во рамки на попладневното продолжение на 41. седница, по 15 часот, пред потпретседателот Горан Мисовски да даде кратка пауза за подготовка на 39. седница, Собранието заврши со расправите по повеќе предлог-закони во второ читање за кои гласањето ќе биде дополнително закажано.
Пред утврдувањето на дневниот ред на 41. седница, пак, пратениците не ги усвоија предлозите на Димитар Апасиев и Борислав Крмов од Левица кои предлагаат по скратена постапка да се донесе законот за утврдување на максималните цени за болничко лекување и за тестирање пациенти со КОВИД-19 во приватните задравствени установи. Во претпладневниот дел од седницата не беше усвоен и предлогот на група пратеници од опозициската ВМРО-ДПМНЕ кои предлагаат по скратена постапка да се донесе законот за дополнување на Законот за здравствената заштита.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски