СНС и СПС со одделни листи на парламентарните избори во Србија
Српската напредна партија (СНС) и Социјалистичката партија на Србија (СПС) на претстојните парламентарни избори во Србија ќе настапат одделно, изјави за Танјуг потпретседателот на СНС, Милош Вучевиќ.
Тој истакна дека таква одлука е донесена утрово на состанокот меѓу претставници од двете партии.
– Почитувајќи го политичкиот идентитет на СНС и СПС, и имајќи ја предвид политичката сила на едната и другата партија, договорено е СНС и СПС да одат одделно на претстојните избори, односно секој со своја листа, но сме подготвени по изборите да разговараме за продолжување на соработката, нагласи Вучевиќ, кој најави дека во текот на викендов СНС ќе ги продолжи разговорите со останатите коалициски партнери.
Инаку, предлог за составување заедничка листа на двете партии на изборите даде српскиот шеф на дипломатијата и лидер на социјалистите Ивица Дачиќ уште кон крајот на минатата година.
– Јас предлагам да одиме заедно на изборите за да не се случат проблеми и да се види дека нема причина некој да ме сомничи оти одам со опозицијата, изјави тогаш Дачиќ.
Ново на Сител
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски
-
Грчката амбасадорка Филипиду ja напушти седницата, Силјановска-Давкова во заклетвата користеше Македонија
-
Маж со автомобил прегазил жена во Чаир
-
Украдени документи и компјутери од Управата за матични книги во Прилеп
-
Струмица: „Фиат“ удрил во електричен тротинет, повредено едно лице
-
Приведен бегалец од затвор баран со потерница
-
Почина пациентот на кој за прв пат во светот му беше трансплантиран бубрег од свиња