Снимка која ја леди крвта: Колку човек треба да е луд за да тргне по оваа патека на смртта

Снимката од кинеската планина Маунт Хуа просто одзема здив. Нејзината импозантна висина не е единствено што привлекува илјадници туристи секоја година.

Оваа света планина со височина од  2.160 метри во провинцијата Шански е вистинско место за оние кои се желни за авантури. Неа ја опкружуваат бројни дрвени плочи со чија помош туристите се качуваат до самиот врв, а од самиот поглед кон бездната ќе ви се заврти во глава.

Оваа патека се смета за „најопасна“ на светот и само еден погрешен чекор или движење би можело човек да го плати со животот. Истиот овој пат го користеле монаси, стотици години наназада, за да дојдат до религиските утврдувања.

Денеска по оваа патека поминуваат туристи желни за авантура и добро селфи, иако има и од оние религиозните кои ги следат чекорите на монасите. Според податоците на УНЕСКО на ова место се наоѓаат дури 300 камени табли и 750 духовни ракописи кои датираат уште од пред 1.000 години.