Словенија нема да протера денеска ниту еден руски дипломат
Словенија не се одлучила да протера некој од дипломатите на Русија поради случајот во Салзбери, потврди денеска словенечкиот министер за надворешни работи Карл Ерјавец.
Голем број членки на ЕУ денеска одлучија да протераат одреден број руски дипломати поради наводната вмешаност на руските власти во нападот со нервен отров во Велика Британија, но, меѓу нив, како што соопштуваат словенечките медиуми не се: Словенија, Словачка и Австрија.
Министерот Ерјавец, кој е дел од владата на Миро Церар која од неодамна е во оставка и извршува само тековни работи, изјави дека Словенија не донела одлука за евентуално протерување руски дипломати оти е потребно најпрвин да се утврди што всушност се случило во инцидентот во Салзбери.
- Уште е прерано за одговор како Словенија ќе постапи за тој случај. Ние се придржуваме кон ставот на неодамнешниот состанок на Европскиот совет дека е потребно да се утврди што всушност се случило, вели Ерјавец.
За ова прашање владата во оставка ќе расправа в четврток.
Ново на Сител
-
Николовски: Компресорската станица работи без прекин, клиниките можат да кажат зошто не работат хируршките сали
-
Најмногу слободни работни места во секторот Административни и помошни услужни дејности
-
Мицевски очекува да има двотретинско мнозинство за законските измени за реорганизација на министерствата
-
ГИК: СНС во Белград освои 52 отсо гласови, според ЦЕСИД и ИПСОС во Ниш го нема мнозинството
-
ЈП Комунална хигиена –Скопје за еден месец подигна 1800 кубни метри смет од диви депонии
-
Во 2023 година намален бројот на склучени, а зголемен на разведени бракови
-
Горивата поевтинуваат за половина денар по литар
-
Не помина ниту третиот кандидат за претседател на Уставниот суд