Следните квалификации стартуваат од Скадар

Македонската фудбалска репрезентација квалификацискиот циклус за пласман на Светското првенство во Русија ќе започне на 5.септември во Скадар, против Албанија, соопшти Фудбалскиот сојуз на оваа земја.

 

Стадионот во Сакадар, на кој ќе се одигра мечот се наоѓа во фаза на реновирање, а има капацитет од 20.000 места. 

 

По мечот со Албанија, македонските фудбалери до крајот на годината ќе одиграат уште три натпревари во Г групата, на 6. и 9.октомври во Скопје ќе гостуваат Израел и Италија, а на 12.ноември Македонија ќе гостува во Шпанија.

 

Во Г групата противници на Македонија, која на последната ФИФА листа се наоѓа на 138-то место, ќе бидат Шпанија (3), Италија (15), Албанија (36), Израел (73) и Лихтенштајн (165).