„Скршнувања“, најнова книга од Димитар Башевски

Во издание на издавачката куќа „Слово“ од Скопје, излезе најновата книга „Скршнувања“ од романсиерот и поет Димитар Башевски.

„Скршнувања“ е поетска книга која доаѓа по објавените десетина романи и пет книги поезија на овој автор. Во книгата има обемен поговор од академик Катица Ќулавкова под наслов „Некои белези на поезијата на Димитар Башевски“.

Во својот аналитичен текст, Ќулавкова заклучува дека може да се сумира оти поезијата на Башевски има психолошка димензија. Според неа, Башевски како поет тематски е опседнат со парадоксалните и менливи идентитети на поразот и подвигот.

Романите на Башевски објавувани се во повеќе изданија во дражавата и преведувани се надвор. Неговите поетски книги се објавени во странство на неколку европски јазици.