Скопје Дизајн Вик викендов резервиран за детски работилници

Работилници посветени на децата ќе се одржат викендов на Скопје Дизајн Вик.

Првата работилница „Што е хеуро лингвистичко програмирање за деца“ ќе им овозможи на најмладите да видат и почуствувват вежби кои ќе ги поттикнат да се запознаат подобро со сопствените сетила и моменталниот простор. Активностите ќе траат два часа, а се поделени на неколку дела: визуелна, аутидивна, тактилна и просторна вежба, вежба за вкус и мирис. Ментор е Марија Милошеска.

„Фотографија за 2 часа!“ е насловот на втората работилница наменета за деца од 10 до 16 години. Ќе се одржува денеска и утре, а ментори се фотографите Сашо Алушевски и Татјана Ранташа. Целта е за кусо време, на единствен начин, значајно да се унапреди фотографската вештина независно дали притоа се користи фотоапарат или мобилен телефон.

Едукативно-креативната работилница со Бреинобреин е закажана за утре и на неа, во повеќе помали групи, ќе се одвиваат паралелно активности во времетраење од 120 минути. Децата и родителите може да циркулираат и да се задржат онаму каде што имаат најмногу интерес: Абакус, Мозочни вежби (Brain Gym), Тест на Брзина (Speed test) Креативни активности: Изработка на Оригами, Анализа на личност: Изработка на колаж за Мајка Тереза.

На работилницата „Домашен декор“ денеска и утре децата од 6-15 годишна возраст може да се се забавуваат во двочасовна креативна работа која ќе ги научи да ги реализираат своите идеи од хартија на текстил, ќе ги научи да мешаат разни бои, да ја контролираат водената површина, да ги користат разните нијанси и тонови. Ментор е Оливија Георгиевска. 

Скопје Дизајн Вик викендов предвидува и повеќе презентации.