-->
-->
Ски скокови: Стартува новогодишната турнеја
-->
Традиционално за време на Новогодишните празници, спортската јавност е свртена кон турнејата Четири скокалници, која оваа година ќе се одржи по 64-ти пат.
Австријците, во изминатите седум години, беа неприкосновени на турнејата, но оваа година се чини дека пред сите главен фаворит е Петер Превц, кој се наоѓа во одлична форма.
Новогодишната турнеја се одржува на четири скокалници: Оберсдорф, Гармиш-Партенкирхен, Инсбрук и Бишофсхофен.
Почетокот на Новогодишната турнеја е резервиран за 29.декември во Оберсдорф, а наредниот ден скокачите се селат во Гармиш, каде се натпреваруваат во првиот ден од Новата година.
Словенецот, Петер Превц кој води во генералниот пласман и кој од почетокот на сезоната се наоѓа во многу подобра форма од конкурентите, во квалификациите во Оберсдорф беше прв, со што најави дека може да ја прекине седумгодишната доминација на Австријците на Новогодишната турнеја.
По Оберсдорф (вторник, 17:15 ч) и Гармиш-Партенкирхен (1.јануари, 14 ч), ќе следат натпреварите во Инсбрук (3.јануари, 14 ч) и Бишофсхофен (5.јануари, 17 ч).
Инаку, во 64-годишната историја на ова натпреварување особено се истакнуваат две имиња, Јане Ахонен и Свен Ханавалд. Легендараниот Финец има најмногу победи на турнејата, тој триумфирал во 1999, 2003, 2005, 2006 и 2008 година, додека Ханавалд е единствениот кој успеал да победи на сите четири скокалници за време на турнејата.
Титулата ќе ја брани Штефан Крафт, а покрај Превц како главни фаворити се издвојуваат Германецот Зеверин Фројнд, Норвежаните Кенет Гангенс, Јохан Андре Форфган и Даниел Андре Танде, односно Австријците Михал Хајбек и Штефан Крафт.
-->
-->
-->
Ново на Сител
-
ЦУК: Активни три пожари на отворено од 33 изминатото деноноќие
-
Собраниската Комисија за изборите и именувањата ќе формира Комисија за селекција на кандидати за претседател на ДКСК
-
Трамп денеска ќе разговара со Зеленски
-
Свечена владина седница по повод 24 години од Охридскиот рамковен договор
-
Стејт департментот го осуди влошувањето на човековите права во Европа
-
Франција, Германија и Велика Британија подготвени повторно да воведат санкции кон Иран
-
Забрана за сообраќај на патот Р1106 Македонски Брод - Скопје поради пожарот во Јасен
-
Продолжува топлото време – температури до 39 степени