Сириските бунтовници, поддржани од Турција, зазедоа осум села до турската граница

Сириските бунтовници, поддржани од Турција, од Исламска држава презедоа неколку села во близина на градот Ал  Раи, пренесоа британските медиуми.

Бунтовниците претходно вчера почнаа нова операција против џихадистите, информира нивниот портпарол.

-Зазеедовме осум села. Прво зазедовме две, откако тие се повлекоа од нив. Потоа ни дојде засилување и беше направен пробив, изјави Закарија Малахифџи од групата „Фастаким“, која дејствува  во Алепо.

Освоените реони се наоѓаат на исток и на југ од градот Ал Раи, кој е на два километра од турската граница.