Штип домаќин на Балканското првенство во пинг-понг

Од 21-ви до 25-ти Октомври, градот Штип ќе биде домаќин на најдобрите балкански пинг-понгари од вкупно 10 држави. Тоа денеска беше озваничено во просториите на Агенцијата за млади и спорт, каде генералниот секретар на Балканската пинг понг Унија, Милорад Трпковски, претседателот на Пингпонгарската федерација на Македонија, Јован Дабевски и претставникот на Универзитетот “Гоце Делчев” од Штип, Доц. д-р Кирил Барбареев потпишаа Договор за соработка и организација на престојното Балканско првенство до 21 година, чиј домаќин ќе биде Република Македонија.