„Шпигел": Ситуацијата во бегалските кампови во Грција е критична

Ситуацијата во грчките бегалски центри е оценета како „критична“ во германското списание „Шпигел“, каде се додава и дека бегалците се во се поголема неизвесност околу својата иднина.

Во написот се нагласува дека Грција и Европа треба да ги забрзаат процедурите за сместувањето. Досега во Грција малку е направено на тој план, па ситуацијата на грчките острови е очајна.

Тоа се должи најмногу на фактот што бегалските засолништа се преполни. Бројките кажуваат колку страотна е состојбата во нив. Таму има 16.000 луѓе, а капацитетите се предвидени за 8.000, наведува списанието.