Шпанците го нервираат Роналдо

Водат ли шпанските весници хајка против Кристијано Роналдо или пак навистина Португалецот е во незгодна ситуација во врска со судскиот спорт што се води против него поради даночно затајување.

Медиумите тврдат дека Роналдо не успеал да се договори со обвинителството тој да плати 3,8 милиони евра и да ја признае вината. Роналдо наводно не платил данок во износ од 14,7 милиони евра во периодот од 2011 до 2014 година.

Португалецот минатата година пред судот негираше дека избегнал да плати данок, а во понеделникот потврдил дека обвинителството одбило да се спогоди.

„Не се обидувајте да ми го расипете убавиот момент со лажните вести. Животот е добар. Благословен“, напишал Роналдо на Инстаграм.

Покрај проблемите што ги има со даночните власти, Португалецот е тема на медиумите и поради четирите гола што ги постигна на натпреварот против Џирона.