Северна Ирска сака референдум за независност по изгласаниот Брегзит
По најавите на Шкотска дека би можела да одржи референдум за независност од Обединетото кралство по Брегзит, такво барање подготвува и Северна Ирска.
Вицепремиерот на Северна Ирска, Мартин Мекгинис од партијата Шин Феин изјави дека граѓаните на Северна Ирска мора да имаат можност „да одлучуваат за својата иднина“.
На референдумот во четвртокот 60 отсто од граѓаните на Северна Ирска гласаа за останување на Велика Британија во ЕУ.
Партијата Шин Феин долги години тежнее кон обединување на Северна Ирска со Република Ирска.
Владата на Република Ирска свика итен состанок по британскиот референдум.
- Овој резултат ќе има важни импликации врз Ирска, како и врз Британија и ЕУ, се наведува во соопштението на ирската Влада.
Претходно шкотската премиерка Никол Стурџен истакна дека е многу веројатно Шкотска да одржи втор референдум за независност и порача дека ќе направи се што е потребно да и овозможи на Шкотска место во ЕУ.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка