Сертификати од ЗЕЛС за „Форуми во заедницата“

Заедницата на единиците на локалната самоуправа - ЗЕЛС денеска ќе им додели сертификати на 37 обучени лица за модератори за спроведување на граѓанската алатка „Форуми во заедницата“.

- Проектот „Сертификација на форумски модеаратори“ е напредна фаза од проектот „Форуми во заедницата“ и преку него ЗЕЛС  утврди стандард за квалитет во областа на модерирањето на форумските сесии, воспоставувајќи комплетен процес на стекнување сертификат за модератори, преку следење адекватни обуки и полагање испит. Неговите услуги се во полза на општините што ја користат оваа нова форма на граѓанско учество во локалната власт, информира ЗЕЛС.

Сертификатите ќе ги доделат претседателот на ЗЕЛС Коце Трајановски и амбасадорот на Швајцарија во Македонија Стефано Лазарото.