Семинар „Шекспир во наставата“

„Шекспир во наставата“ е темата на семинарот за наставници од средни училишта, што ќе се одржи денеска во Скопје, како дел од активностите за одбележување на 400 години од смртта на Вилијам Шекспир.
На семинарот е најавено учество на 30 професори по предметите македонски јазик и литература, англиски јазик, етика, филозофија, социологија, граѓанска култура и граѓанско општество. Вклучени се осум средни училишта од Скопје: „Раде Јовчевски-Корчагин“, „Браќа Миладиновци“, „Орце Николов“, „Никола Карев“, „Јосип Броз Тито“, „Здравко Цветковски“, „Арсени Јовков“ и „Георги Димитров“.
Целта на семинарот е подготовка на активности за вклучување на младите во истражување на некои од клучните теми на општеството како инклузија, еднаквост и разнообразност, владеење, правда и човекови права, користејќи три дела на Шекспир - драмите „Хамлет“, „Бура“ и „Венецијанскиот трговец“.
Во рамки на кампањата GREAT на Британската влада, Британскиот совет ја организира глобалната програма „Шекспир живее“ (ShakespeareLives), за да се одбележи неговото дело и безвременско влијание ширум светот. Во соработка со партнери, вклучувајќи театри, музеи, образовни институции и уметници, програмата „Шекспир живее“ ќе вклучи нови продукции на драмите на Шекспир, филмски адаптации, изложби, јавни читања и образовни ресурси за училишта и сите оние кои учат англиски јазик. Проектот „Шекспир живее“ Британскиот совет во Македонија го реализира во соработка со Британската амбасада во Скопје.
- Во Македонија планираме активности за вклучување на младите во истражување на некои од клучните теми на општеството во кое живееме (инклузија, еднаквост и разнообразност, владеење, правда и човекови права) користејќи ги делата на Шекспир. Сакаме да ја искористиме годишнината на Шекспир за да им дадеме глас на младите да ја подигнат свеста за важните прашања кои помагаат во градење на слободно, на демократско и на единствено општество, информираат од Британскиот совет во Македонија.
Ново на Сител
-

Левандовски, Гризман и Емболо меѓу петте најплатени фудбалери во МЛС
-

Силен руски ракетен напад врз мостовите во Киев, тројца загинати
-

Лафчиски на состанок на началниците на генералштабовите на земјите членки на Иницијативата за соработка во одбраната
-

МВР: Апел до родителите и јавноста - препознајте ја опасноста од групата „764“ – заштитете ги децата!
-

Десет години по Брегзит, ЕУ и Велика Британија се обидуваат да ги подобрат односите
-

Мерц: Војната во Украина може да заврши само со дипломатско решение, Европа мора да учествува во преговорите
-

САД потрошиле 48,3 милијарди долари за војната во Иран, не се пресметани штетите врз базите
-

Почнува амандманската расправа за Предлог-буџетот за 2027, поднесени над 300 амандмани
