Семејство со три деца повредено во тешка сообраќајка во Албанија

Утринава кај Љеш во Албанија се случи тешка сообраќајна несреќа, а повредени се пет членови на семејството кои се наоѓале во автомобил со српски регистарски таблички, јавува албанската ABC.

Несреќата се случила во раните утрински часови. Како што дознава белградски „Блиц“, семејството било на одмор во Албанија. Нивниот автомобил удрил во насипот што ги дели коловозните ленти на државниот пат.

Три деца и брачен пар биле во автомобилот и сите се повредени, а мајката потешко. Повредените се пренесени во болница.

Полицијата е на терен, а се сомнева дека брзината и влажниот коловоз предизвикале губење контрола над возилото.