Секој што направил тест за антитела, мора да направи тест и за присутност на коронавирусот
Сите јавно-здравствени установи се придржуваат до препораките за третман на итни и неодложни пациенти, вклучувајќи ги и оние со малигни заболувања. Во болниците има наредба според која, мора да постојат делови (амбуланти, патеки на движење) за овие пацинети. Притоа, на ниту еден пациент не му е скратена услугата, во ниту една здравствена установа, рече попладнево министерот за здравство, Венко Филипче.
Одговорајќи на новинарски прашања на прес-конференција во Владата, Филипче напомена дека сите случаи на коронавирус дијагностицирани во изминатиот период се должат на локална трансмисија. Тоа е начинот на пренос на сите случаи утврдени насекаде низ државата.
Во однос на времето од тестирањето до добивањето на резултатот, министерот појасни дека постапката обично трае 24 часа. – Ако се зема примерок во текот на денот, се анализира или вечерта или следниот ден. Тој процес трае 24 часа, а подразбира собирање, подготовка и изработка на земените материјали пред да се направи тестот во лабораторија, истакна Филипче.
Според него, секој што направил тест за антитела, мора да направи тест и за присутност на вирусот (антигенот) за да се знае дали е болен и дали може да ја шири зарзата. Стручно мислење на Комисијата за заразни болести е дека асимптоматските луѓе нема потреба да се тестираат.
Министерот Филипче нема информација, како што напомена, дека кај пациентка кај која е индицирана хоспитализација, тоа не е спроведено.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“