СЕХА: Металург поразен на гостувањето кај Горење

Ракометарите на Металург претрпеа нов пораз во рамките на СЕХА лигата. Попладнево македонскиот вицепрвак загуби на гостувањето кај Горење Велење со 23:18.

Домашниот тим водеше во текот на целиот натпревар, а највисокото водство го имаа во 49 минута (22:13). Горење водеше и со 23:14, а Металург во финишот со серија од 4 гола го ублажи високото водство на ривалот.

Најефикасен на дуелот беше Матјаж Брумен со 6 голови, а кај Металург по три голови постигнаа: Костадин петров, Стефан Дрогришки, Филип Кузмановски, Вања Илиќ и Филип Талески.

Со 14 одбрани на голот на Горење се истакна Рок Запоншек.

На вториот натпревар одигран попладнево ППД Загреб го победи Татран Прешов со 27:22.

Табела: Вардар 22 бода, ППД Загреб 15, Мешков Брест 13, Веспрем 12, Горење 9, Цеље 9, Нексе 7, Металург 4, Татран Прешов 3, Извиѓач 0.