Седница на Судски совет, на дневен ред пензионирање судии, поплаки и утврдување одговорност

Судскиот совет денеска треба да ја одржи 534. седница на чиј дневен ред се повеќе точки, меѓу кои за престанокот на судиска функција поради стекнување услови за старосна пензија, поплаки и претставки за работата на судиите и судовите, како и формирање комисии за постапки за утврдување одговорност.

Дневниот ред опфаќа и расправа по Пресудата на Управниот суд У‑5 бр. 380/2025, за уставната судијка Елизабета Дуковска, како и по Известувања за утврдена фактичка состојба.

Оваа седница требаше да се одржи на 24 декември 2025 година, но поради немање кворум, беше одложена за денеска.

МИА