Се зголемува бројот на пријавени штети од невремето во Делчево
Во Општина Делчево во тек е пријавување штети од невремето проследено со силен ветар, дожд и град кое го зафати градот минатата сабота. Заклучно со последниот ден од месец јуни годинава до Општинската комисија за проценка на штети од елементарни непогоди граѓаните доставиле 220 пријави за штети.
Пријавувањето на штетите предизвикани од невремето ќе трае до 10 јули, а претставници од Комисијата веќе одат на терен за проценка на досега пријавените штети.
-Согласно со првично пријавените штети и информацијата од ЦУК-Делчево, евидентирани се штети на кровот на ООУ „Ванчо Прке“, дел од кровот на детската градинка ОЈУДГ „Весели Цветови“, дел од кровот на Домот на културата, каде е сместена Општина Делчево и други институции и приватни субјекти. Најголемо оштетување има на трите згради на улица „Н.Ј.Вапцаров“, каде на две згради крововите се целосно оштетени, а од паѓање на кровната конструкција голема штета е нанесена на околни четири семејни куќи и возила кои биле паркирани во околината, информираа од Општината.
Во невремето како што додадоа оштетени се повеќе кровови на семејни куќи и објекти во целото подрачје на градот Делчево.
-Имаме регистрирано штета на возила од паднати делови од покриви како и паднати дрвја на улиците: „Булевар Македонија“, „Маршал Тито“, „М.М Брицо“, „Кеј на Брегалница“, „Браќа Миладинови“, „Трст“, „Острец“ и други. Во записникот се регистрирани и паднати 9 дрвени и 1 бетонски столб, како и кабли за снабдување со електрична енергија, додадоа од Општината.
Штета од невремето беше регистрирана и во село Бигла каде од удар на гром се усмртени 15 грла овци, 8 јагниња и 4 грла кози. Во отстранувањето на штетите направени од невремето учествуваваа припадници на ТППЕ – Делчево, вработени од со механизација од ЈКП – Брегалница, екипи на ЕВН – Подружница Делчево, Доброволното противпожарно друштво „Волонтер” и месното население од градот Делчево.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд