Се зајакнуваат тимовите на Фронтекс на грчките острови

Седумнаесет холандски полицајци вчера пристигнале на Лезбос, заедно со техничка опрема за силите на Фронтекс кои им помагаат на грчките власти во центарот за регистрација во Мориа.

Како што јави дописникот на МИА од Атина, дДоаѓањето на тимот е дел од спроведувањето на договорот меѓу ЕУ и Турција со кој се предвидува значително зголемување на персоналот и техничката помош за Грција.

Претходно, група бегалци и членови на невладини организации протестираа пред Мориа за промена во работењето на пунктовите во Грција, при што дојде до помали тепачки.

Инаку на грчките острови вчера не пристигнал ниту еден нов бегалец или мигрант, додека во пристаништето Пиреја денеска, веќе втор ден, пристигнуваат се помалку бегалци и мигранти.